Naskah Teater "Pembakal IBAD" Sanggar Kereta IAIN ANtasari Banjarmasin

PAMBAKAL IBAD

PARA PEMAIN

PAMBAKAL

SEKDES IJUM

ZARNI

IMUK

ALUH LINUN

DOKTER I

DOKTER II

PEMBANTU DESA

BABAK I

Di dalam sebuah kantor pambakal, terlihat pambakal sedang membaca Koran, kemudian sekdes masuk.

Sekdes Ijum : (membaca) Anggaran belanja pambakal bulan ini…satu..dst!!Han…kaini pang nyamannya jadi wakil pambakal tu, amun gaji tu kada sa apa pang, tapi higaannya itunah nang maulah urang sugih bakajut….(dipotong)

Pambakal : Jum….u…jum!!kasini satumat,,,

Sekdes ijum : pian mangiau ulun kah, pambakal?

Pambakal : mbah pang siapa lagi amun lain ikam!!

Sekdes : (mendekati) inggih pambakalai….

Pambakal : inggih napanya ?

Sekdes : inggih tadi pian mangiau ulun.

Pambakal : sudah-sudah (marah)!!tahu kada kanapa ikam kukiau kamari?

Sekdes : kada tahu pambakalai…..

Pambakal : mauk nih manjawab tarus, baapa aku mangiau ikam kamari mun ikam sudah tahu….

Sekdes : pian jua pang tadi mangiau ulun.

Pambakal : nah..jadi bamagin saikung nanginilah, ini kaini jum lah…

Sekdes : (memotong) inggih pambakalai…..

Pambakal : sudah tuntung balum gawian nang aku bariakan lawan ikam samalam.

Sekdes : gawian nang mana itu pambakal??

Pambakal : gawian nang aku sarahakan lawan ikam samalam!!

Sekdes : hari apa itu pambakal?

Pambakal : bah..!!kada ingat lagi aku harinya nah…jadi mangalihakan aku saikung nanginih, timbul aku disuruhnya bapikir…..cuba pang lihati agindaku minggu samalam….

Sekdes : Uuu,,,hadangi satumat pambakalah (pause), ulun baca akan pambakallah.

Pambakal : bacaakan!!!

Sekdes : hari senayan pian saharian di kantur haja sampai jam dua, imbah itu pian bulik kasakitan parut. Hari selasa pian kada bagawi napa-napa, seharian guring dirumah, imbah itu hari arba pian mahadiri acara pisah sambut mahasiswa nang lulusan hanyar pian ada rapat lawan aparat desa, imbah itu pian manyuruh ulun,,,,,,,,,

Pambakal : satup- satup.....wahini aku hanyar aku ingat, ikam kusuruh mancari urang gasan maisi jabatan di Humas Pemdes sini kalu....!!

Sekdes : hadang dahulu pambakal, apa garang arti Pemdes itu?

Pambakal : Pemdes itu artinya Pemerintah Desa pintarai...

Sekdes : Uuu.....kaitukah gilaai..!!

Pambakal : Hah,,apa jar ikam tadi...?

Sekdes : kada pambakalai,,,ulun bagaya aja!!

Pambakal : sudah balum ikam ulah pangumuman?

(lalu sekdes ijum menempel pengumuman lowongan kerja di ruang tunggu kantor kades. Memperhatikan sebentar lalu duduk dimeja kerja dan mulai mengetik. Tidak begitu lama zarni muncul, ia celingak-celinguk seperti orang kebingungan.

Zarni : (kepada sekdes ijum) Assalamualaikum...Assalamualaikum.

Sekdes : Lalui aja.....

Erni : Assalamualaikum.

Sekdes : lalui aja jarku, disini kada mambari sumbangan.

Erni : ulun kada minta sumbangan, ulun handak mancari gawian. Assalamualaikum..

Sekdes : Uuu...mun kaitu masuk ja..Wa’alaikum salam.

Erni : (masuk kantor langsung mendekati sekdes dan menyalami serta mencium tangannya)

Sekdes : apa hajat nih,,,pakai cium-cium tangan sagala, kaya urang bahari rayaan haja...

Erni : ulun kasini handak mancari gawian, ulun dangar-dangar disini ada luwungan jar, bujur kaitukah?

Sekdes : Bujur, tu nah baca pangumuman disitu (manunjuk kearah karton, Erni melangkah mendekati pengumumannya)

Erni : (membaca pengumuman) Pengumuman...(lalu muncul imut dan aluh linun mendekati erni yang membaca pengumuman ikut mendengarkan)...Di cari saurang nang mampunyai wawasan nang luas, harat bapandir, dengan jabatan sebagai Humas Pemdes, persyaratannya sebagai berikut ; pendidikan minimal bisa membaca, umur diatas 12 tahun, bapanampilan manarik, kada buta warna, buta tuli, maupun buta kakap, diutamakan urang nang kawa manyanangakan atasan, tertanda pambakal kampung Malingkungkung...........Bathien.........

Aluh linun : kada ngalih kada parsyaratannya, mut lah..........

Imut : Hiih, amun kaini nyataai aku nang ditarima. Aku ni, amun pintar banar tu kada, amun bungul kada jua, ujar urang tu maantara. Harat mangaji, lawan bisa mambaca, bajajagauan bapandir, kadada nang malawaninya, mun bungasnya tu, sudah ai....

Aluh linun : Jadi urang tu mut lah,,,jangan tapi parcaya diri banar, kaina mun kada di tarima ikam jua nang sakitnya...

Erni : Ih,,,,bubuhan pian kah (lalu menyalami dan mencium tangan keduanya, aluh linun dan imut jadi bingung) ngaran ulun erni, ulun urang kampung subalah, jadi bubuhan pian ni handak mancari gawian juakah?

Aluh linun : Hi ih, bujur banar, parkanalkan ngaran ulun Aluh Ainun Najib Mahmudi, dikiau aluh linun.

Imut : Amun ngaranku Mutaharoh, urang kampung mangiyau aku imut, jadi situ handak mancari gawian jua kah?

Erni : Inggih bujur banar, ulun mancari gawian disini.....

Di saat aluh linun, imut dan erni asyik ngobrol datang sekdes ijum menghampiri mereka.

Sekdes : (berdehem) Perhatian satumat dangsanak-dangsanak sabarataanlah, bubuhan ikam ni handak mancari gawian kalu!!!

Bersama : inggih bujur banar....

Sekdes : Pintar banar barataan....(marah) bila aku habis batakun tu, buhan ikam jawab siap dahulu hanyar bapandir....ngarti kada!

Bersama : Inggih ngarti....

Sekdes : cubai pang dahulu...sabalumnya baris barata dahulu....aku ulangilah....(nada tinggi) bubuhan ikam barataan ini handak mancari gawian kalu...??

Bersama : siap....inggih bujur banar....

Sekdes : Bagus...bubuhan ikam ini pasti handak banar bagawi disini?

Bersama : Siap....inggih bujur banar....

Sekdes : Mantap...amun kaitu bubuhan ikam harus mantaati apa ujarku....

Bersama : siap....inggih bujur banar....

Sekdes : Hibat....Pus Up sapuluh kali....

Bersama : siap...inggih bujur banar......(pause. Mereka bingung dan terdiam)

Sekdes : kanapa badiam barataan, lakasi Pus up sapuluh kali....

Imut : ini kada bagayaan kah bu?

Sekdes : (marah) ikam sangka apa aku ini, bubuhan ikam ini handak bagawi kalu....

Bersama : (takut) Siap...inggih bujur banar.......

Sekdes : amun kaitu Pus Up sapuluh kali...!!!

Imut : ayu ai mun kaya itu......

Lalu mereka melakukan apa yang di perintahkan oleh sekdes ijum dan sekdes memperhatikan dengan seksama.

Sekdes : satup-satup...cukup, badiri barataan (kapada imut) ngaran ikam siapa?

Imut : siap....Mutaharoh.

Sekdes : (kepada aluh linun) saikung ini pang?

Aluh linun : Siap....Ainun Najib Mahmudi...

Sekdes : (kepada erni) ikam pang...

Erni : Siap, Erni...

Sekdes : bagus, hibat dan mantap kalian barataan, wanini istirahat ditempat dahulu, aku handak manamui pambakal.

(lalu mereka berebutan duduk di kursi Sekdes Ijum, diruang tunggu tsb)

Sekdes : kanapa bubuhan ikam ini dudukan?

Aluh linun : jar pian tadi istirahat ditempat, dudukanai kami ditempatnya ini....

Sekdes : Istirahat ditempat tu kadanya kaitu pang (mencontohkan) ini kaini nah, lakasi umpati...(mereka melakukan apa yang dicontohkan) aku handak manamui pambakal, buhan ikam kaini haja, jangan ada nang bagarak, awas mun ada nang bagarak kada lulus tes tupang...(mengancam) ingatakanlah.!!

Bersama : Siap...inggih bujur banar....

Sekdes : (sambil lalu) mauk nih...!!

Ia lalu menuju keruangan sebelah di mana pambakal sedang santai membaca koran.

Pambakal : Ada apa lagi nih, mangganggu aku haja, sudah tuntung balum gawian ikam...

Sekdes ; Beres pambakalai, banyak banar nang handak bagawi, padahal hanyar haja ulun manimpil pangumuman, sudah badatangan urang nang baminat.

Pambakal : barapa ratus manusianya nang datang ?

Sekdes : Anu...Talu nusia pambakalai.

Pambakal : (Heran) talu..ikam padahakan banyak.

Sekdes : (mengalihkan pembicaraan) Pambakal, kaya apa imbah ini nang digawi, ulun minta patunjuk nah...

Pambakal : patunjuk jar ikam, kada usah pakai patunjuk-patunjukan, kaya jaman orde baru haja, sudah kaini haja, suruh bubuhannya tu masukan. Aku handak mantis cucuk kada jadi pagawaiku....

Sekdes: ayuai amun kaitu.....

Sekdes lalu keluar ruangan, sementara itu Erni, aluh linun dan imut masih dalam keadaan istirahat ditempat.

Sekdes : ini kaini barataanlah, pambakal ibad handak man-tis wawancara siapa nang harat bapandir itu pasti nang ditarima jadi pagawai. Siapa nang siap badahulu bulih masuk...

Imut : Amun kai tu, nyataai aku nang ditarima, aku ni mun sumbung tu kada panglah, nyata amun masalah bapandir, ampat bahasa kukuasai...

Sekdes : Bahasa apa haja itu?

Imut : Bahasa indonesia, bahasa banjar, bahasa bakumpai, lawan bahasa jawa...

Aluh linun : beh, itu lain bahasa ngarannya...

Imut : (sewot) mbah pang mun lain bahasa apa ngarannya..

Sekdes : sudah-sudah, timbul bahual disini, (kepada imut) ayu ja ikam masuk badahulu...

Imut : amun bubuhan ikam kada parcaya aku manguasai ampat bahasa, aku mangucapakan parmisi pakai bahasa jawa nah, kaya apa manurut pian, bu sekdes?

Sekdes : cubai ai mun ikam dasar harat...

Imut : (mengetuk pintu) kulo nuwun...kulo nuwunooiii...kulu nuwun...

Pambakal : (dari dalam) sopo...?

Imut : Kulo..(lalu tersenyum bangga kepada yang lain)

Aluh linun : hayu kam kaya apa jawabannya, mut!!!lakasi jawab..!!

Pambakal : (dari dalam) kulo sopo..

Imut : (ragu) Kulo Nuwun....

Pambakal : Hi ih sopo...(dari dalam dengan nada tinggi)

Imut : Kulo....

Pambakal : (dengan nada tinggi) Hi’iiiiiihh...kulo sopo....

Imut : (ragu-ragu dan takut) Kulo nuwun....

Pambakal : (marah) Mauk nih...maulu-ulu haja, siapa diluar?!

Imut : (takut) Ulun...

Pambakal : Hi’ih...ulun siapa..??

Imut : Imut...

Pambakal : Masuk...!!

Imut lalu masuk perlahan-lahan, dengan perasaan takut dan was-was dan berdiri terpaku di meja pembakal.

Pambakal : apa maksud ikam tadi maulu-ulu aku, kada tahu kah ikam bahadapan lawan siapa...

Imut : (takut) maksud ulun tadi....ulun....ulun...

Pambakal : maksud ikam maulu-ulu aku, handak tajak pangaruh lawan aku, kada tahu kah ikam bahadapan lawan siapa, Nah..pambakal Bathien.. tahu kada artinya pambakal Bathien tu...

Imut : kada tahu....

Pambakal : Naa...artinya; pamba artinya pambawa, ka-artinya kasajahtaraan, L-artinya lahir. Jadi arinya pambawa kasajahtaraan lahir bathien..

Imut : Bathiennya pang dari mana?

Pambakal : Bathien tu ngaranku, ngarti kada!!!

Imut : inggih ngarti ai ulun.

Pambakal : sudah duduk, (imut duduk) tahu kada kanapa ikam kusuruh duduk disini.

Imut : inggih...

Pambakal : inggih napanya....

Imut : inggih kada tahu....

Pambakal : ikam kusuruh duduk disini handak wawancara, siap kalu..?

Imut : inggih siap....

Pambakal : ngaran siapa...??

Imut : Mutaharoh dikiyau imut..

Pambakal : pendidikan pang...

Imut : hanya tikas tingkat tiga pa’ai...

Pambakal : Uuu...maksud ikam sarjana anum, kaituka...?

Imut : kada pa’ai, hanya tikas tingkat  tiga sakulah SD.

Pambakal : Uuuuu.....jadi sakulah sampai kalas tiga SD haja kah ?

Imut : inggih pa’ai..

Pambakal : umur pang barapa?

Imut : 22 tahun pa’ai.....!!

Pambakal : sudah balaki balum...??

Imut : Nah,,samalam tu pa’ai ulun sampat pang pacaran lawan anaknya  mang ipul, tapi imbah itu ampihan, wahini ada pang ulun handak lawan lalakian, masih bujangan kaitu nah....

Pambakal : aku kada batakun itu, aku batakun sudah balaki balum...?

Imut : Naa....lamunnya nangitu baluman pang pa’ai.....

Pambakal : ada pangalaman bagawi kah.....?

Imut : Uuu...ada pa’ai, nang itu pang tadi, pangalaman pacaran lawan anak urang...

Pambakal : sudah cukup, bagaya haja nih....

Imut : jadi kaya apa nasib ulun ni.....

Pambakal : ayu ja, kaina kaputusannya... (setengah berteriak) salanjutnya....

Tak begitu lama erni masuk ke ruang pambakal dan berhenti dihadapan meja pambakal, menyalami dan mencium tangan pambakal, lalu duduk di kursi.

Pambakal : siapa manyuruh duduk...!!

Erni : (berdiri)

Pambakal duduk ja...!!

Erni : (duduk)

Pambakal : ngaran siapa...??

Erni : erni pa’ai...kapanjangan dari jaka aku ni raja, nyaman tu pang hidupku ni. Ulun tadi kasini baujik pang pa’ai. Tahutang lawan urang tangah dua ribu, ini na pak baju ulun pakai ini baju arwah mama. Baras dirumah habis pa’ai, kasihan abah lawan ading ulun dua hari ini makan lawan daging haja....

Pambakal : satup...satup...hadang dulu, aku batakun ngaran ikam, kada manyuruh ikam bakisah...

Erni : kada pa’ai...kalu ai pian mandangar kisah ulun imbahtu maras,  sudah sapuluh bulan ni pa’ai ulun manganggur kada sing gawian.

Pambakal : dahulu ikam sudah bagawi dimana..??

Erni : ulun kada baisian pangalaman bagawi dikanturan pa’ai...

Pambakal : Uuuu....jadi ikam suah bagawi di perusahaan, kaitukah...

Erni : kada jua pa’ai....

Pambakal : wiraswasta....

Erni : kada jua pa’ai...

Pambakal : mbah pang jar ikam tadi, sudah manganggur sapuluh bulan, jadi suah bagawi napa ikam?

Erni : maksud ulun tadi pa’ai, manganggur sapuluh bulan tu tahitung mulai tahun 2003 nih, tahun-tahun sabalumnya  gin pa’ai ulun kada sing gawian jua, tapi waktu halus ulun suah maharagu itik dikampung.

Pambakal : Uuuuu...kaitu kah, umur ikam wahini barapa?

Erni : Anu pa’ai, jar mama ulun umur ulun tu sama lawan umur rapun katapi suntul nang ada dihiga rumah, nang sudah 6 kali ini babuah. Ta anum sadikit pada rapun nyiur nang ada disubalahnya.

Pambakal : Mauk saikung nih, aku batakun sakali, inya manjawab 10 kali. Aku tu batakun barapa umur ikam?

Erni : saumur lawan rapun katapi  suntul tu pang.

Pambakal : maksudku barrapa tahun umur ikam?

Erni : Nah, amun nang itu ulun kada kawa mahitungnya pa’ai, tapi nang nyata munnya dikawinakan. Ulun ni ba anakan haja pang.

Pambakal : sudah-sudah, ikam ni bisa mambaca lawan manulis lah?

Erni : Uuu...bisa pa’ai, mambaca hurup gundul lawan manulis arab.

Pambakal ; Hah..sudah gin, cukup haja.

Erni : mbah pang kaya apa ulun ni..?

Pambakal : Ayu ha, ikam duduk dahulu, kaina kaputusannya. (setengah berteriak) salanjutnya...!

Tak lama kemudian masuk aluh linun dengan gaya militer menghadap ke ruang pambakal.

Aluh linun : Siap..!!

Pambakal : duduk!

Aluh linun : Siap..!! duduk....

Pambakal : siapa ngaran ikam?

Aluh linun : siap, Ainun najib mahmudi di kiyau aluh linun umur salawi tahun status masih sendiri. Siap..!!!

Pambakal : Mauk nih, siap-siap tarus. Ikam tu handak malamar jadi pagawaiku kah ?handak malamar jadi tantara kah?

Aluh linun : Siap..!! jadi pagawai pian.

Pambakal : Sakali lagi ikam bapandir siap, ku tampiling tu pang.

Aluh Linun : Siap..!! eh..anu..pambakalai..

Pambakal : sudah...lamun kaya ini ikam kaluar aja dulu. Aku handak manilai bubuhan ikam batiga nginih..

Aluh linun : (berdiri dengan gaya tentara) Siii....(takut melihat pambakal sambil mengepal tangannya)

Tidak berapa lama, keluar pambakal untuk menilai siapa yang akan terpilih jadi pegawainya

Sekde : semua berdiri..grak!!

Pambakal : (sambil bolak-balik) setelah aku man-tes bubuhan ikam ada saikung nang handak ku jadi akan pagawai paribadi ku..

Bersama : siapa pambakal.....?

Tidak berapa lama, masuk dokter I dan II. Pambakal dan sekdes gembira sekali lalu saling bersalaman, sedang erni, aluh linun dan imut bingung.

Dokter I : (kepada sekdes dan pambakal) supaya bubuhan pian ni lakas naik pangkat, mun handak bakantur dipusat, ulun mohon tutup mata lawan talinga pian.

(pambakal dan sekdes melakukan apa yang diperintahkan dokter)

Imut : Bu Mantri, amunnya bubuhannya badua ni di bawa kapusat, kaya apa pang nasib kami ni?

Dokter II : sabalumnya ulun minta maaf lah, babujurannya ulun ni lain mantri tapi dokter, dokter dirumah sakit jiwa kayu tangi ujung. Ulun kasini handak mancarii 2 ikung pasien ulun nang lapas. Kabalujuran ulun manamuakannya disini.

Aluh linun : Uuu..jadi nang badua ni lain pambakal lawan sekdes lah?

Dokter I : mantan pambakal, tapi inya diampihi karna terlibat KKN. Tapi inya kada siap, imbah tu stress. Jadi disangkanya inya tu pambakalai tarus.

Erni : mbah pang kaya apa inya kawa bakantur disini?

Dokter II : Nah, mungkin bubuhannya ni mambuka paksa pintu disini, karena kadadaan urangnya, inikan hari minggu, hari libur.

Erni : Uuu...kaitu kah, han kaini pang ngalih nya jadi urang kampung kada tahu hari libur.

Dokter II : Anu, sudah ibu-ibu lah. Ulun handak lakas mambawa pasien ulun nang badua ni, takutan lapas pulang.

(dokter mendekati pambakal ibad dan sekdes yang menutup mata dan telinganya)

Dokter I : (menepuk bahu sekdes) Bu sekdes ijum.

Sekdes : (membuka mata dan terlihat girang)

Dokter I : (menepuk bahu pambakal ibad) lawan pambakal ibad, lakasi kita tulakan kapusat gasan di lantik.

Bersama : Ayu, bu mantri kita berangkat (pambakal dan sekdes keluar bersama dokter)

TAMAT